പ്രതികരണം
( ചെറുകഥ by സജീവ്കുമാർ
ശശിധരൻ )
നദി ഒഴുകുന്നു .
അവൻ രാവിലെ , അതിരാവിലെ അവിടെ പാറയുടെ മുകളിൽ കയറിയിരുപ്പായി . അമ്മിണി വരും അവൾ അതിരാവിലെ ഈ തണുത്ത വെള്ളത്തിലേ
കുളിക്കൂ . അവളുടെ നീരാട്ട് കാണുവാൻ തന്നെ ഒരു ഭംഗിയാണ് . അവൾ വന്നു നേരെ നദിയുടെ മാറിലേക്ക്
ഇറങ്ങിപ്പോയി . മുങ്ങി നിവർന്ന അവളെ അവൻ ആരാധനയോടെ നോക്കി, അമ്മിണി ; അവൻ അവൾക്കിട്ട പേരാണ് . അവന്റെ അമ്മയുടെ പേരും അമ്മിണിയെന്നായിരുന്നു
. മരിച്ചുപോയി. ഇപ്പൊ അച്ഛനും രണ്ടാനമ്മക്കും അവരുടെ മകൾക്കുമൊപ്പമാണ് അവന്റെ താമസം . കാടിനോട് ചേർന്നാണവർ താമസിച്ചിരുന്നത്
.
അമ്മിണി അവനെകണ്ടു . അവരുടെ
കണ്ണുകളിടഞ്ഞു .
അതാ വരുന്നു , കേശവൻ .
അമ്മിണി ഭയന്നു . അവൾ കുളിനിർത്തി
മറുകരയിലേക്ക് ഓടികയറി . അവന്റെ തറയിൽ മുട്ടുന്ന വെള്ളകൊമ്പിൽ ആരുടേയോ ചോര പുരണ്ടിരുന്നു . കൊല്ലുന്നത്
അവന് ഹരമാണ് . കേശവൻ അവളെ തന്നെ നോക്കി .
അമ്മിണി ഭയന്നുവിറച്ചു .
അവൾ ഭയന്ന് കാട്ടിലേക്ക് ഓടിപ്പോകുന്നത് കേശവൻ പുച്ഛത്തോടെ നോക്കി നിന്നു .
പിന്നിൽ അവൻ.
അവൻ പാറയിൽ നിന്നും എഴുന്നേറ്റു
. അവനെ കേശവൻ കണ്ടില്ല .
അവൻ വിളിച്ചു . " കേശവാ
"
ശബ്ദത്തെ പിൻതുടർന്ന്‌ കേശവൻ
തിരിഞ്ഞുനോക്കി .
ഒരു വലിയ ശബ്ദം . അവന്റെ
മസ്തകം പൊളിച്ചുകൊണ്ട് ഒരു വെടിയുണ്ട പാഞ്ഞുപോയി . പിന്നെയും പിന്നെയും വെടിയുണ്ടകൾ പാഞ്ഞു.
കേശവൻ നദിയിലേക്ക് വീണു.
നദി ചുവന്നു .
അവന്റെ കലി തീർന്നിരുന്നില്ല
. അവൻ നദിയിലേക്കുചാടി , കൈയ്യിലെ മൂർച്ചയേറിയ കഠാര കേശവന്റെ കണ്ണിലേക്ക് കുത്തിയിറക്കി . പലതവണ .
നദിയിൽ നിന്നും കയറുമ്പോൾ
അവൻ ചോരയിൽ കുളിച്ചിരുന്നു . അവൻ മുഖത്തെ ചോര രണ്ട് കൈകൊണ്ടും തുടച്ചുകളഞ്ഞു . ആ മുഖം അപ്പോൾ ശാന്തമായിരുന്നു . ഉള്ളിലെ പകയുടെ വിഷമിറങ്ങിയിരിക്കുന്നു
. കണ്ണുനീരിന്റെ ഉപ്പ് അവന്റെ ചുണ്ടുകളെ നനയിച്ചു . ഉള്ളിൽ അമ്മയുടെ മുഖമായിരുന്നു.
